NGS мектебінде білім беру стратегиясымен жеке бөлім айналысады. Ол Стратегия және даму департаменті деп аталады. Оның қызмет саласына мектептегі білім сапасын жақсарту үшін жаңа идеялар кіреді. Ол жобаларды әзірлеу және жоспарлау үшін жауап береді. Өз кезегінде, олардың барысы мен нәтижелеріне мектеп оқушыларын дамыту бөлімі жауап береді
Осы екі құрылымның бірлескен мақсаттары оқушылардың қаржылық сауаттылығын арттыруға, оларды маркетинг, ағылшын тілі, ақпараттық-коммуникациялық технологиялар саласындағы білімдерін үйретуге бағытталған. Бұл – біздің балаларымызға оларды қазіргі қоғамдағы табысты болашаққа дайындаймыз деп айтқан кезде кепілдік беретін құзыреттер.
Белгіленген білім беру мақсаттарына қол жеткізуге ұмтылатын жобалар сараптамалық серіктестермен, оның ішінде Қазақстанның жетекші университеттерінің халықаралық профессорлық құрамымен бірлесіп әзірленеді және енгізіледі. Өзекті білім балаларға "Business study", "IELTS", "Provisional English","ICT" және "Robo" сияқты жеке курстар мен пәндер түрінде беріледі, сондай-ақ негізгі бағдарламаға кіреді. Мектепті бітіргеннен кейін орта білім туралы аттестаттан басқа түлектерге ағылшын тілін білетіндігін растайтын сертификаттар беріледі. Бұл қазақстандық және шетелдік беделді жоғары оқу орындарында білім алу мүмкіндігін айтарлықтай жеңілдетеді және кеңейтеді.
БІЗ НЕ ІСТЕДІК?
Биыл біз мектептен алғашқы оқушыларды шығарып саламыз. Біздің балалар "мансаптық бағдар" бойынша курстарға қатысып, мектепті базалық құзыреттер жиынтығымен бітіріп жатыр. Жыл бойы жоғары оқу орындарына қабылдау үшін түлектердің құжаттар пакетін дайындау жүзеге асырылды. Сынып жетекшілері жеке мінездеме жазды, пән мұғалімдері ұсыныс хаттар дайындады, барлық қажетті құжаттар ағылшын тіліне аударылды.
- Оқушылардың қазіргі заманғы кәсіпкерлік және басқарушылық ойлауын қалыптастыруға бағытталған Business Study бағдарламасы аяқталды. Оқытуды ағылшын тілінде серіктес ЖОО оқытушылары жүргізді. Барлық түлектер өздерінің бизнес-жобаларын қорғап, бизнес-міндеттерді шешу дағдыларын растайтын сертификаттар алды.
- Provisional English курсы сәтті жүзеге асырылды, оның бағдарламасы шетелдік оқу орындарындағы Foundation курсына ұқсас. Оқытуды Қазақстан Республикасының үздік университеттерінің бірі – KIMEP оқытушылары ағылшын тілінде жүргізді. Бұл курс үшін кредиттер біздің түлектерімізге KIMEP университетінің кредиттік американдық оқыту жүйесінде есептеледі.
- IELTS-ті мұқият дайындау жүзеге асырылды, оның бастамасы мен қолдауын NG Solutions басқарушы компаниясы қамтамасыз етті. Оқу нәтижесі бойынша осы жылғы түлектердің 100% сертификат алды. Олардың ішінде ең жоғары балл (7,5) - оқушылардың 6%-нда, 6 және одан жоғары балл 59% алды.
- Сондай-ақ, биылғы жылдың түлектеріне Робототехника және ICT пәндерін оқу нәтижелері бойынша "Senior" деңгейіндегі сертификаттар берілді. Олардың жобаларының қорғалуын тәуелсіз сарапшылар бағалады, олардың қатарында әл-Фараби атындағы Қазақ ұлттық университеті механика-математика факультетінің және QSTEM білім беру орталығының оқытушылары болды.
- Бұдан басқа мектепте жоғары оқу орындарына қабылдау үшін қажетті уәждемелік хаттар жазу тәжірибесі енгізілді. Эссе жұмысы тілдік пәндер бойынша (ағылшын, қазақ, орыс тілдері) жүргізілді.
Орта мектеп жасында кәсіби анықтау қажеттілігі жоғары білім алу міндетімен ғана емес, сонымен қатар ішкі уәждермен де байланысты: қоғамда өз орнын табу, қаржылық тәуелсіздіктен басқа рахат әкелетін білім алу ғана емес, сонымен қатар қызықты мамандық алу. Қазіргі түлектер мамандықты саналы түрде таңдайды. Олар қоғамға қалай пайда әкелетіні, елдің экономикалық және моральдық дамуына қалай әсер ететіні туралы алаңдайды.
Бұл кезеңде мектеп ересектерге жақсы бастама дайындаудың басты негізі болып табылады. Болашақ түлектердің мүдделері неғұрлым байыпты қабылданса, "мансаптық бағдар" жобасына ұқсас ақпараттық-білім беру қолдауы соғұрлым мұқият жүзеге асырылуы керек.
